داء الأمل

ضاع الامل في رجعتك واقبل الياس
واشوف حلمي مات قدام عيني
اشتقتلك يا أصدق انسان باحساس
تعال وقف بين همي وبيني

في غيبتك تسال عن غيابي الناس
لا اجي لحد بعدك ولا احدٍ يجيني
واللي بقى من عاشقك عظم وانفاس
وهموم تهدم ما تناست سنيني

بنيت باحزاني سكن انت الاساس
وصنت حبك والوفاء عيب فيني
إن كان ذا بعض التغلي فلا باس
وان كان به غيري قتلني حنيني

كلمات : عوض الحارثي
الحان : عبادي الجوهر